बिलासपुर के घुटकू म छत्तीसगढ़ महतारी के मूर्ति स्थापना अउ विशाल रक्तदान शिविर के आयोजन- छत्तीसगढ़िया क्रांति सेना बिलासपुर

छत्तीसगढियावाद के रखवार छत्तीसगढ़िया क्रांति सेना करही छत्तीसगढ़ महतारी के मूर्ति स्थापित-

बिलासपुर। अनिल कुमार पाली/ छत्तीसगढ़िया क्रांति सेना बिलासपुर अउ महिला सशक्तिकरण टीम के कोती ले बिलासपुर जिला के गांव घुटकू म छत्तीसगढ़ महतारी के मूर्ति स्थापित करे जावत हे जेखर संग विभिन्न कार्यक्रम के आयोजन करे जाही, कार्यक्रम म पूरा प्रदेश अउ जिला के सबो सेनानी मन संग महिला सशक्तिकरण के पूरा टीम शामिल रही, महतारी मूर्ति के संग संगठन के कोती ले विशाल रक्तदान शिविर के आयोजन घलोक करे जात हे, जेमा मनखे सामिल होके रक्तदान कर सकथे रक्तदान करईया मनखे मन ल प्रस्सति पत्र अउ हेलमेट दिए जाही, रक्तदान शिविर के संग यातयात जागरूकता बर दो पहिया वाहन चलइया 18 वर्ष ले अधिक उम्र के लईका मनखे मन बर लर्निंग लाइसेंस बनाये के शिविर भी लगाए जाही, जेला भी अपन लर्निग लाइसेंस बनवाना हे अपन आधार कार्ड, दसवीं के अंक सूची के फोटो कॉपी ल संग म ले के आही। रक्तदान शिविर अउ लर्निंग लाइसेंस बनाये के स्थान हाईस्कूल प्रांगण घुटकू म होही जेमा कोनो भी मनखे सामिल हो सकथे।