प्रदेश स्तरीय भोजली तिहार कोरबा जिला म मनाए के विषय ल लेके जिला स्तरीय बइठका सम्पन्न होइस

दीपका:- छत्तीसगढ़िया क्रान्ति सेना के महतारी संगठन सहित जम्मो अनुसांगिक संगठन के सेनानी पदाधिकारी मनके प्रदेश स्तरीय भोजली तिहार कोरबा जिला म दीपका छेत्र म मनाए के विषय ल लेके आज दिनाँक 13/07/2025 दिन इतवार के दीपका कालोनी के मातृछाया परिसर सिद्धिदात्री मंदिर म जिला स्तरीय बइठका सम्पन्न होइस जेमा जिला भर के संगठन के पदाधिकारी सेनानी सहित महिला टीम के पदाधिकारी साथ ही छेत्र के महतारी बहनी मन सैकड़ो के संख्या म बइठका म उपस्थित होके एक स्वर म भोजली तिहार ल भव्य रूप से मनाए बर समर्थन अउ हर सम्भव तन मन धन से सहयोग करे के बात करिन अउ हर साल के भाती पाली म भी भोजली रैली के आयोजन खंड स्तर म किये जाही बइठका म ओखरो बर विशेष निर्णय लिए गिस साथ ही संगठन विस्तार के विषय म भी गहन चर्चा होइस एक स्वर म जम्मो सेनानी पदाधिकारी सदस्यता अभियान चलाए के साथ संगठन के विस्तार अउ संगठन ल मजबूती देहे बर अपन अपन योगदान देहे के बात करिन अउ जिला के तमाम आम जनता से जुड़े मुद्दा म आघु धुरा म आके बुता करे के वचन दिन । बइठका म उपस्थित जम्मो महतारी बहनी अउ सेनानी भाई मन जबर हरेली रैली दुर्ग भेलाई म घला सामिल होये बर गोठ बात करीन ।