कोयला खदान छेत्र म परदेसिया बड़े ट्रांसपोर्टर मन के द्वारा आये दिन मारपीट के घटना ल अंजाम देवत हे, जोहार छत्तीसगढ़ पार्टी के जिला अध्यक्ष जैनेन्द्र कुर्रे पुलिस अधीक्षक कोरबा तीर करिस शिकायत-

कोरबा / आरूग न्यूज़

कोरबा के जम्मो कोयला खदान छेत्र म परदेसिया बड़े ट्रांसपोर्टर मनके द्वारा गुंडा अउ बाउंसर मनला लेके आये दिन मारपीट के घटना ल अंजाम देवत हे जोकि निकट भविष्य म बड़े अनहोनी होये के संभावना पैदा करत हे विगत दिनों दिनाँक 28/03/2025 के पाली खदान म कोयला उठाव ल लेके दो गुट म झड़प म एक व्यक्ति के जान चले गिस, जेला देखते हुए संबंधित विषय ल लेके जोहार छत्तीसगढ़ पार्टी के जिला अध्यक्ष जैनेन्द्र कुर्रे पुलिस अधीक्षक कोरबा तीर करिस शिकायत साथ म आवश्यक कार्यवाही बर संबंधित विभाग ल घला प्रतिलिपि भेजिस….|